Elşad Yəhyayev (1966–1992) — Birinci Qarabağ müharibəsi şəhidi, Azərbaycanın Milli Qəhrəmanı, Azərbaycan Respublikası Daxili İşlər Nazirliyi Daxili Qoşunlarının taqım komandiri, polis baş leytenantı.

Elşad Yəhyayev
Yəhyayev Elşad Məmmədhənifə oğlu
Elşad Yəhyayev
Elşad Yəhyayev, 1990-cı il.
Təvəllüdü 5 may 1966(1966-05-05)
Doğulduğu yer Nuxa (indiki Şəki), Azərbaycan SSR, SSRİ
Vəfat tarixi 20 iyun 1992 (26 yaşında)
Vəfat yeri Naxçıvanik, Xocalı rayonu, Azərbaycan
Dəfn yeri Şəhidlər xiyabanı (Bakı)
Vətəndaşlıq SSRİ→ Azərbaycan
Mənsubiyyəti Azərbaycan Respublikasının Silahlı Qüvvələri
Təhsili SSRİ DİN-nin F.E.Dzerjinski adına Saratov Qırmızıbayraqlı Komandirlər Ali Hərbi Məktəbi(ru) (rus.: Саратовское высшее военное командное Краснознаменное училище им. Ф.Э.Дзержинского МВД СССР) (1987–1991)
Hərbi fəaliyyəti
Qoşun növü Daxili Qoşunlar
Rütbə baş leytenant
Döyüşlər Sırxavənd, Naxçıvanik, Papravənd
Təltifləri Azərbaycanın Milli Qəhrəmanı
Adının digər versiyaları Elshad Yəhyayev, Elşad Yahyayev, Elşad Yehyayev, Elshad Yahyayev, Elshad Yehyayev, Эльшад Яхяев, Елшад Јәһјајев
facebook xatirə səhifəsi

Haqqında məlumatlar Vizual/Mobil redaktə

5 may 1966-cı il tarixdə Nuxada (indiki Şəki) anadan olub.

1977-ci ildə ailəsi ilə birlikdə Bakıya köçüb.

Təhsili Vizual/Mobil redaktə

1973 – 1977-ci illərdə Şəki şəhər 12 №-li orta məktəbində,

1977 – 1983-cü illərdə Bakı şəhər 56 №-li orta məktəbində,

1987 – 1991-ci illərdə SSRİ DİN-nin F.E.Dzerjinski adına Saratov Qırmızıbayraqlı Komandirlər Ali Hərbi Məktəbində(ru) (rus.: Саратовское высшее военное командное Краснознаменное училище им. Ф.Э.Дзержинского МВД СССР) təhsil alıb.

Hərbi xidmətdə Vizual/Mobil redaktə

1984 – 1986-cı illərdə hərbi xidmətdə olub.

1991-ci ildə Azərbaycan Daxili Qoşunlarının “N” saylı hərbi hissəsində tağım komandiri vəzifəsində xidmətə başlayıb. Sırxavənd, Naxçıvanik, Papravənd kəndlərində gedən döyüşlərdə iştirak edib. Naxçıvanik kəndində baş vermiş döyüşdə xeyli sayda düşməni məhv edib və ağır itki verən ermənilər geri çəkilməyə məcbur olublar.

Şəhid olması Vizual/Mobil redaktə

20 iyun 1992-ci il tarixdə – 26 yaşında, Naxçıvanik kəndində baş vermiş döyüş zamanı düşmən tərəfinin snayperi tərəfindən vurulub və döyüş tapşırığını yerinə yetirərkən qəhrəmancasına həlak olub. Bakıda Şəhidlər xiyabanında dəfn edilib.

Təltif və mükafatları Vizual/Mobil redaktə

Xatirəsi Vizual/Mobil redaktə

Vaxtilə təhsil aldığı Bakı şəhər 56 saylı tam orta məktəbinə adı verilib və həmin məktəbin qarşısında büstü qoyulub.

Ədəbiyyat Vizual/Mobil redaktə

Qaffarov A., Əmrahov M., İsmayılova G., Mirzəyeva S., Salamov A., Paşayev İ., Süleymanov B., Həmidli T. Polis baş leytenantı Elşad Yəhyayev // Şəki qartalları / M.İ.Əmrahov . — Bakı: “Hüquq ədəbiyyatı”. — Səhifələrin sayı:  424. — Səh.: 14-16. — (Ş 4702060206–001/h 062–98).

Həmçinin, bax: Vizual/Mobil redaktə

Bildiriş Vizual/Mobil redaktə