Məmmədnuru Yusifov (1944–2013) — tanınmış rəhbər kadr, təhsil işçisi və pedaqoq. Müxtəlif illərdə Azərbaycan LKGİ Şəki Şəhər Komitəsinin birinci katibi, Şəki şəhər Xalq Maarif Şöbəsinin müdiri, Şəki rayon Xalq Maarif Şöbəsinin müdiri, Şəki şəhər Təhsil Şöbəsinin müdiri olub.

Məmmədnuru Yusifov
Yusifov Məmmədnuru Şakir oğlu
Məmmədnuru Yusifov
Məmmədnuru Yusifov, 1984-cü il.
Anadan olub 2 fevral 1944(1944-02-02)
Anadan olduğu yer Nuxa (indiki Şəki), Azərbaycan SSR, SSRİ
Vəfat edib 13 iyun 2013 (69 yaşında)
Vəfat etdiyi yer Şəki, Azərbaycan
Dəfn yeri Şəki
Həyat yoldaşı Yusifova Rəfiqə Mikayıl qızı
Övladları Aydın, Cavanşir, Eldəniz, Şahin
Atası Şakir Yusifov
Vətəndaşlıq SSRİ→ Azərbaycan
Milliyyəti azərbaycanlı
İxtisası tarixçi-pedaqoq, tarix və ictimaiyyət müəllimi
Təhsili S.M.Kirov adına Azərbaycan Dövlət Universiteti, tarix fakültəsi (1963–1967)
Mükafatları "Tərəqqi" medalı

Haqqında məlumatlar Vizual/Mobil redaktə

2 fevral 1944-cü il tarixdə Nuxada (indiki Şəki) anadan olub.

Təhsili Vizual/Mobil redaktə

1951 – 1961-ci illərdə əvvəl Nuxa şəhər 16 №-li ibtidai məktəbində, sonra Nuxa şəhər 11 №-li orta məktəbində, daha sonra Nuxa şəhər 1 №-li fəhlə-gənclər məktəbində,

1963 – 1967-ci illərdə isə S.M.Kirov adına Azərbaycan Dövlət Universitetinin tarix fakültəsində təhsil alıb.

Əmək fəaliyyəti Vizual/Mobil redaktə

1960 – 1963-cü illərdə V.İ.Lenin adına Nuxa ipək kombinatında fəhlə işləyib.

1967 – 1971-ci illərdə Balakən Politexnik Texnikumunda və Balakəndəki Nizami adına orta məktəbdə tarix-ictimaiyyət müəllimi,

1970 – 1972-ci illərdə “Bilik” Cəmiyyəti Balakən rayon təşkilatının məsul katibi,

1972-ci ilin mart ayından noyabr ayınadək Azərbaycan KP Balakən Rayon Komitəsi Siyasi Maarif kabinetinin müdiri vəzifəsində çalışıb.

1972 – 1976-cı illərdə Azərbaycan LKGİ Şəki Şəhər Komitəsinin birinci katibi,

1976 – 1977-ci illərdə Şəki şəhər 20 №-li orta məktəbdə tərbiyə işləri üzrə direktor müavini,

1977 – 1982-ci illərdə M.Qorki adına Şəki şəhər 10 №-li orta məktəbinin direktoru olub.

1982 – 1986-cı illərdə Şəki şəhər Xalq Maarif Şöbəsinin,

1986 – 1992-ci illərdə Şəki rayon Xalq Maarif Şöbəsinin,

1993 – 2005-ci illərdə Şəki şəhər Təhsil Şöbəsinin müdiri vəzifəsində çalışıb.

2006-cı ilin yanvar ayından əmək təqaüdünə çıxıb.

İctimai fəaliyyəti Vizual/Mobil redaktə

  • Müxtəlif illərdə Şəki şəhər sovetinin deputatı və Şəki Şəhər Xalq Deputatları Soveti İcraiyyə Komitəsinin üzvü,
  • 1993-cü ildən Yeni Azərbaycan Partiyasının və YAP Şəki təşkilatı Siyasi Şurasının üzvü olub.

Mükafatları Vizual/Mobil redaktə

  • ÜİLKGİ MK-nın, Azərbaycan LKGİ MK-nın, Azərbaycan SSR Maarif nazirliyinin fəxri fərmanları;
  • “Tərəqqi” medalı (2005).

Vəfatı Vizual/Mobil redaktə

13 iyun 2013-cü il tarixdə – 69 yaşında, Şəkidə vəfat edib.

Ailəsi Vizual/Mobil redaktə

  • Həyat yoldaşı: Yusifova Rəfiqə Mikayıl qızı (d. 1948 – ö. 2019).
  • Övladları: Aydın, Cavanşir, Eldəniz, Şahin.

Bildiriş Vizual/Mobil redaktə