Vüsal Xəlilov — tanınmış bank işçısı, Azərbaycan Respublikası Mərkəzi Bankının İdarə Heyətinin üzvü və Mərkəzi Bank sədrinin müavini.

Vüsal Xəlilov
Xəlilov Vüsal Cahangir oğlu
Vüsal Xəlilov.
Azərbaycan Respublikası Mərkəzi Bankı sədrinin müavini
may 2024
Şəxsi məlumatlar
Təvəllüdü 5 aprel 1987(1987-04-05)
Doğulduğu yer Şəki, Azərbaycan SSR, SSRİ
Vətəndaşlığı SSRİ → Azərbaycan
Təhsili

 • Bakı Dövlət Universiteti, informatika ixtisası, bakalavriat (–2008)

 • Bakı Dövlət Universiteti, informatika ixtisası, magistratura (–2011)

 • 2015-ci ildə ADA Universiteti və “Maastricth School of Management” birgə EMBA proqramı, beynəlxalq biznesin idarəedilməsi ixtisası, magistratura (2015–2017)

 • London Metropolitan Universiteti, tətbiqi psixologiya ixtisası, magistratura (2024–)

Haqqında məlumatlar Vizual/Mobil redaktə

5 aprel 1987-ci il tarixdə Şəkidə anadan olub.

Təhsili Vizual/Mobil redaktə

2008-ci ildə Bakı Dövlət Universitetini informatika ixtisası üzrə bakalavr,

2011-ci ildə isə magistr dərəcəsi üzrə bitirib.

2015 – 2017-ci illərdə ADA Universiteti və “Maastricth School of Management” birgə EMBA proqramı üzrə magistr təhsili alıb.

2020-ci ildə Kopenhagen Biznes Məktəbinin maliyyə sektorunda rəqəmsal transformasiya kursunda,

2021-ci ildə isə Harvard Business Schoolun biznes analizi, mühasibatlıq və idarəedənlər üçün iqtisadiyyat istiqamətlərində xüsusi kurslarında təhsilini davam etdirib və müvafiq sertifikatlar alıb.

2014-cü ildə Oracle şirkətinin təşkilatın arxitekturası üzrə “OCM” sertifikatını alıb.

2024-cü ildən İngiltərənin London Metropolitan Universitetində tətbiqi psixologiya ixtisası üzrə magistr təhsili alır.

Əmək fəaliyyəti Vizual/Mobil redaktə

2009-cu ildə “ICL” MMC-də texniki mütəxəssis,

2010 – 2011-ci illərdə “İnfosecurity” MMC-də aparıcı veb-proqramçı,

2011 – 2016-cı illərdə “Azercell Telekom” MMC-də İnformasiya kommunikasiya texnologiyaları departamentində əvvəl kiçik proqramçı, sonra proqramçı, daha sonra aparıcı proqramçı,

2016 – 2018-ci illərdə isə həmin şirkətdə məhsul və xidmətin yaradılması bölməsinin rəhbəri,

2018 – 2020-ci illərdə “PAŞA Bank” ASC-də Rəqəmsal laboratoriya departamentinin rəqəmsal mühəndislik şöbəsinin rəhbəri,

2021-ci ilin yanvar ayından 2024-cü ilin may ayınadək həmin bankın texnologiya blokunun baş direktoru,

2024-cü ilin may-noyabr aylarında Azərbaycan Respublikası Mərkəzi Bankının baş direktoru vəzifəsində çalışıb.

7 noyaqbr 2024-ci il tarixdə Mərkəzi Bankın İdarə Heyətinin üzvü vəzifəsinə,

4 dekabr 2024-cü il tarixdə isə Mərkəzi Bank sədrinin müavini vəzifəsinə təyin edilib.

Ailəsi Vizual/Mobil redaktə

Evlidir, üç övladı var.

Ədəbiyyat Vizual/Mobil redaktə

  1. Vüsal Xəlilov Mərkəzi Bankda baş direktor təyin edildi // Banker.az. — . — Müraciət tarixi: 28.05.2024.
  2. İdarə Heyəti : Vüsal Cahangir oğlu Xəlilov : [arx. 08.04.2025] // Azərbaycan Respublikası Mərkəzi Bankı. — Müraciət tarixi: 08.04.2025.

Bildiriş Vizual/Mobil redaktə