Xalid Hacıyev

WikiSysop (müzakirə | redaktələr) tərəfindən edilmiş 17:05, 6 noyabr 2020 tarixli redaktə

Xalid Hacıyev (Hacıyev Xalid Məmmədsaleh oğlu; d.  7 noyabr 1934-cü il, Nuxa, Nuxa rayonu, Azərbaycan SSR, ZSFSR, SSRİ) − azərbaycanlı tikinti mütəxəssisi, uzun müddət tikinti sahəsi üzrə elmi-tədqiqat institutlarında işləmiş, məsul vəzifələr tutmuş, həmçinin, 1982 – 1985-ci illərdə Azərbaycan SSR-in Moskva şəhərindəki Daimi Nümayəndəliyində baş referent vəzifəsində çalışmışdır.

Xalid Hacıyev
Hacıyev Xalid Məmmədsaleh oğlu
Xalid Hacıyev
Xalid Hacıyev, 2012-ci il
Anadan olub 7 noyabr 1934 (1934-11-07) (92 yaş)
Anadan olduğu yer Nuxa, Nuxa rayonu, Azərbaycan SSR, ZSFSR, SSRİ
Övladı Səbinə Hacıyeva
Vətəndaşlıq SSRİ→ Azərbaycan
Təhsili Moskva Nəqliyyat Mühəndisləri İnstitutu (1953 – 1958)

Haqqında məlumatlar

1934-cü ildə Nuxada anadan olub.

1953 – 1958-ci illərdə Moskva Nəqliyyat Mühəndisləri İnstitutunda təhsil alıb (dəmiryol istismarı üzrə mühəndis ixtisası).

İşlədiyi illər, iş yerləri və vəzifəsi

1958 – 1972 — “Azdövlətsənayelayihə” Dövlət Layihə İnstitutunda mühəndis, baş mühəndis, qrup rəhbəri, tikinti şöbəsinin rəis müavini (1965-ci ildən) və 2 saylı memar-inşaat şöbəsinin rəisi (1969-cu ildən);

1972 – 1973 — Azərbaycan SSR Dövlət Tikinti Komitəsinin sənaye tikinti şöbəsinin rəisi;

1973 – 1975 — “Azdövlətlayihə” Dövlət Layihə İnstitutunda baş mühəndis;

1975 – 1982 — “İttfaqyollayihə” Dövlət Layihə İnstitutunun Bakı filialının müdiri;

1982 – 1985 — Azərbaycan SSR-in Moskva şəhərindəki Daimi Nümayəndəliyində baş referent;

1985 – 1985 — “Bakışəhərlayihə” Layihə İnstitutunda baş mühəndisin müavini;

1985 – 1992 — “Azəraqrolayihə” Layihə İnstitutunun müdiri;

1992 – 1996 — “Azəraqrartikinti” ATSC-də baş mütəxəssis;

1996 – 2002 — “Aqrarlayihə” MMC Bakı filialının rəisi;

2002 – 2004 — “Azəraqrartikinti” ATSC-nin TMHLSSE şöbəsinin baş mütəxəssisi;

2004 – 2018 — “Azəraqrartikinti” ASC Həmkarlar İttifaqı Komitəsinin sədri. Şablon:Yaxşı məqalə