Teyyub Əfəndiyev (1903–1988) — tanınmış terapevt, kardioloq, revmotoloq, həkim-pedaqoq, tibb elmləri namizədi və professor. Uzun müddət Azərbaycan SSR Səhiyyə Nazirliyi Həkimləri Təkmilləşdirmə İnstitutunun terapiya kafedrasının müdiri vəzifəsində çalışmışdır.

Teyyub Əfəndiyev
Əfəndiyev Teyyub Musa oğlu
Teyyub Əfəndiyev
Teyyub Əfəndiyev.
Təvəllüdü 14 aprel 1903(1903-04-14)
Anadan olduğu yer Kiş, Nuxa qəzası, Yelizavetpol quberniyası, Rusiya İmperiyası
Vəfat tarixi 29 sentyabr 1988 (85 yaşında)
Vəfat yeri Bakı, Azərbaycan SSR, SSRİ
Dəfn yeri Bakı
Vətəndaşlığı SSRİ
Elm sahəsi tibb
Elmi dərəcəsi tibb elmləri namizədi
Elmi adı professor
Təhsili

 • Stomatologiya İnstitutu (1929–1932)

 • Azərbaycan Tibb İnstitutu, müalicə-profilaktika fakültəsi, gecə şöbəsi (1932–1936)
Övladları Leyla, Almaz, Məmmədiyyə və Gülnaz
Mükafatları "Döyüş xidmətlərinə görə" medalı — 1947
Adının digər versiyaları Teyyub Efendiyev, Teyyub Afandiyev, Тейюб Эфендиев, Тейюб Афандиев, Тејјуб Әфәндиев

Haqqında məlumatlar Vizual/Mobil redaktə

14 aprel 1903-cü il tarixdə Nuxa qəzasının Kiş kəndində anadan olub. İki yaşında olarkən atası vəfat edib.

Təhsili Vizual/Mobil redaktə

1922-ci ildən Nuxada Fəhlə Fakültəsində,

1929 – 1932-ci illərdə Bakıda Stomatologiya İnstitutunda,

1932 – 1936-сı illərdə Azərbaycan Tibb İnstitutunun müalicə-profilaktika fakültəsinin gecə şöbəsində təhsil alıb.

Hərbi xidmətdə Vizual/Mobil redaktə

1941-ci ilin iyun ayında Böyük Vətən müharibəsinin başlanması ilə əlaqədar olaraq Bakı şəhər Caparidze Rayon Hərbi komissarlığından hərbi xidmətə çağırılıb. Əvvəlcə XI əlahiddə batalyonun tibb-sanitar hissəsinə rəis təyin edilib. 1941-ci ilin sentyabr ayında cəbhə bölgəsində ağır yaralanıb. Sağaldıqdan sonra – 1942-ci ildə, Krım cəbhəsində döyüşən 47-ci ordunun 825-ci yoluxucu xəstəliklər qospitalında xidmət edib. Həmin ilin may ayında cəbhə bölgəsində yenidən ağır yaralanıb və bundan sonra 2-ci qrup müharibə əlili kimi ordudan tərxis edilib. Müharibə dövründə əvvəl 3-сü dərəcəli hərbçi-həkim, sonra isə tibb xidməti kapitanı rütbəsinə malik olub.

Əmək fəaliyyəti Vizual/Mobil redaktə

1920-ci ildən Nuxa qəza idarəsinin maliyyə şöbəsində,

1923-cü ildən isə vergi şöbəsində işləyib.

1929 – 1932-ci illərdə Nuxa şəhər poliklinikasında stomatoloq,

1932-ci ildən Bakı şəhər 2 №-li poliklinikasının baş həkimi,

1933-cü ildən Bakı şəhər Voroşilov rayon səhiyyə şöbəsinin müdiri,

1936 – 1937-ci illərdə Xaçmaz rayon mərkəzi xəstəxanasının baş həkimi,

1937 – 1939-cu illərdə Azərbaycan Tibb İnstitutunun qospital terapiya kafedrasında ordinator vəzifəsində çalışıb.

1943-cü ildən yenidən Azərbaycan Tibb İnstitutunun qospital terapiya kafedrasında çalışmağa başlayıb; o cümlədən,

1945-ci ildə dosent vəzifəsinə seçilib.

1947-ci ildə Azərbaycan SSR Səhiyyə Nazirliyi Vərəm İnstitutunun kliniki şöbəsinə müdir,

1948-ci ildə Salyan rayon xəstəxanasına baş terapevt və xəstəxananın daxili xəstəliklər şöbəsinə müdiri,

1950-ci ildə isə Bakı şəhər 5 nömrəli klinik xəstəxanasının terapiya şöbəsinin müdiri təyin olunub.

1951-ci ildə Daşkənd Tibb İnstitutunun terapiya kafedrasının dosenti,

1952-ci ildə isə Özbəkistan SSR Səhiyyə Nazirliyi Həkimləri Təkmilləşdirmə İnstitutunun tropik xəstəliklər kafedrasının müdiri seçilib.

1958-ci ildə Özbəkistanda Əndican Tibb İnstitutunun terapiya kafedrasına müdir təyin olunub.

1960-cı ildən Azərbaycan SSR Səhiyyə Nazirliyi Həkimləri Təkmilləşdirmə İnstitutunun terapiya kafedrasında professor,

1962 – 1978-ci illərdə isə həmin kafedrasının müdiri vəzifəsində çalışıb.

Elmi fəaliyyəti Vizual/Mobil redaktə

1939-cu ildə Leninqrada – professor Q.F.Lanqın klinikasına, ezam olunur, orada 1941-ci ildə tibb elmləri namizədi dissertasiyasını müdafiə edib.

Revmatizm və ürək xəstəliklərinin öyrənilməsi, müalicəsi sahəsində əhəmiyyətli işlər görüb. “Azərbaycanda revmatizm” (1969), “Ürək” (1977) və “Ürəyin revmatik qüsurları” (1984) adlı kitabların, 150-dən çox elmi əsərin müəllifidir.

Rəhbərliyi altında iki doktorluq, 10-dan çox namizədlik dissertasiyası müdafiə edilmişdir.

Təltif və mükafatları Vizual/Mobil redaktə

Vəfatı Vizual/Mobil redaktə

29 sentyabr 1988-ci il tarixdə – 85 yaşında, Bakıda vəfat edib. Bakıda Qurd qapısı qəbiristanlığında dəfn olunub.

Ədəbiyyat Vizual/Mobil redaktə

  1. Эфендиев Теюб Мусаевич : [arx. 25.05.2023] : [rus.] // Память народа. — Müraciət tarixi: 25.05.2023.
  2. Mete Ə. Alim-təbib // O torpağın övladları. — Bakı: Nurlan, 2006. — Səhifələrin sayı:  608. — Səh.: 335-338. — 500 nüsx.
  3. Teyyub Əfəndiyev // Şəkidə məhəllə adları, soyadlar və ləqəblər / Zəkəriyyə Əlizadə, Ulduz Mürşüdova və Kamil Adışirinov. — AMEA Şəki Regional Elmi Mərkəzi. — Bakı: Nafta–Press, 2009. — 2 kitab. — II  kitab. — Səhifələrin sayı:  605. — Səh.: 458-459. — 500 nüsx. — ISBN 5-8066-1708-4.

Bildiriş Vizual/Mobil redaktə