Bu məqalə saytın yoxlanılmış məqalələrindən biridir və müəlliflik hüququ AZE.WIKI redaksiyasına məxsusdur!
Bu məqalə Şəki Ensiklopediyasının çapa hazır məqaləsidir.

Rauf Qədimov

AZE.WIKI materialı
Naviqasiyaya keç Axtarışa keç
Rauf Qədimov
Qədimov Rauf Mustafa oğlu
Rauf Qədimov
Rauf Qədimov.
Təvəllüdü 17 oktyabr 1942 (1942-10-17) (84 yaş)
Anadan olduğu yer Nuxa (indiki Şəki), Azərbaycan SSR, SSRİ
Vətəndaşlığı SSRİ→ Azərbaycan
Elm sahəsi texnika
Elmi dərəcəsi texnika elmləri namizədi
Elmi adı dosent
Təhsili M.Əzizbəyov adına Azərbaycan Neft və Kimya İnstitutu, istehsal proseslərinin avtomatlaşdırılması fakültəsi, avtomatika və telemexanika ixtisası (1959–1964)
Atası Mustafa Qədimov
Anası Nazan Əliabbas qızı
facebook səhifəsi

Rauf Qədimov — texnika elmləri namizədi, dosent, Azərbaycan Respublikası Elm və Təhsil Nazirliyi Riyaziyyat İnstitutunun keçmiş aparıcı elmi işçisi. Uzun müddət AMEA Kibernetika İnstitutunda/AMEA İdarəetmə Sistemləri İnstitutunda ümumi işlər üzrə direktor müavini vəzifəsində çalışmışdır.

Haqqında məlumatlar[Vizual/Mobil redaktə | HTML redaktə]

17 oktyabr 1942-ci il tarixdə Nuxada (indiki Şəkidə) anadan olub.

Təhsili[Vizual/Mobil redaktə | HTML redaktə]

1959-cu ildə Nuxa şəhər M.Füzuli adına 3 №-li orta məktəbini qızıl medalla,

1964-cü ildə M.Əzizbəyov adına Azərbaycan Neft və Kimya İnstitutunun istehsal proseslərinin avtomatlaşdırılması fakültəsini (avtomatika və telemexanika ixtisası üzrə) fərqlənmə diplomu ilə bitirib.

Əmək fəaliyyəti[Vizual/Mobil redaktə | HTML redaktə]

1964-cü ildən Azərbaycan SSR EA Hesablama Mərkəzində (sonrakı adları: AMEA Kibernetika İnstitutu; AMEA İdarəetmə Sistemləri İnstitutu (2014); Azərbaycan Respublikası Elm və Təhsil Nazirliyi Riyaziyyat İnstitutu (2026)) çalışıb; o cümlədən, əvvəl laborant, sonra baş laborant, daha sonra mühəndis, böyük mühəndis, elmi işçi, qrup rəhbəri, laboratoriya müdiri,

2002 – 2019-ci illərdə ümumi işlər üzrə institutun direktor müavini,

2021-ci ildən isə aparıcı elmi işçi vəzifəsini tutub.

2026-cı ilin aprel ayında təqaüdə çıxıb.

İkinci iş yerləri[Vizual/Mobil redaktə | HTML redaktə]

2003-cü ildən Azərbaycan Memarlıq və İnşaat Universitetinin informasiya texnologiyaları və sistemləri kafedrasında,

2013 – 2019-cu illərdə Azərbaycan Texniki Universitetinin kompüter sistemləri və şəbəkələri kafedrasında dosent vəzifəsində (0,5 ştat) çalışıb.

Elmi fəaliyyəti[Vizual/Mobil redaktə | HTML redaktə]

1989-cu ildə “Diskretləmə addımını avtomatik təyin etməklə kəsilməz siqnalları çevirən, sıxan və ötürən çoxkanallı ölçmə sistemi” mövzusunda namizədlik dissertasiyasını müdafiə edib. Çapdan çıxmış elmi əsərlərinin ümumi sayı 46, xaricdə çıxmış elmi əsərlərinin sayı 5, müəlliflik şəhadətnamələrinin və patentlərin sayı 46-dır.

Ailəsi[Vizual/Mobil redaktə | HTML redaktə]

Bir sıra sənaye müəssisələrinin, o cümlədən, V.İ.Lenin adına Nuxa İpək Kombinatının direktoru vəzifəsində çalışmış, həmçinin, bir müddət Nuxa şəhər Zəhmətkeş Deputatları Soveti İcraiyyə Komitəsinin sədri olmuş tanınmış energetik-mühəndis və rəhbər kadr Mustafa Qədimovun ortancıl oğlu, 1937-ci il repressiyası qurbanı olmuş həkim və siyasi fəal Əliabbas Qədimovun qız nəvəsidir.

Ədəbiyyat[Vizual/Mobil redaktə | HTML redaktə]

  1. Məmmədov Ə., Xalıqov F. Qədimov Rauf // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 329-330. — 1.000 nüsx.
  2. "İdarəetmə Sistemləri İnstitutu fəlsəfə doktorları/Qədimov Rauf Mustafa oğlu". http://www.science.gov.az/ (azərb.). Azərbaycan Milli Elmlər Akademiyası. 24 Jun 2017 – 16 Feb 2020 tarixində arxivləşdirilib.
  3. Göyçəli M. Mustafa Qədimov / Nəsillərə nümunə şərəfli ömür yolu // XX-XXI əsrin yaradıcı və ziyalı insanları. — Bakı, 2014. — X hissə  cild. — Səh.: 200.

Bildiriş[HTML redaktə]