Bu məqalə saytın yoxlanılmış məqalələrindən biridir və müəlliflik hüququ AZE.WIKI redaksiyasına məxsusdur!
Bu məqalə Şəki Ensiklopediyasının çapa hazır məqaləsidir.

Abdurahman Məmmədov

AZE.WIKI materialı
Naviqasiyaya keç Axtarışa keç
Abdurahman Məmmədov
Məmmədov Abdurahman Xəlil oğlu
Abdurahman Məmmədov
Abdurahman Məmmədov.
Anadan olub 5 avqust 1929(1929-08-05)
Anadan olduğu yer Nuxa (indiki Şəki), Azərbaycan SSR, ZSFSR, SSRİ
Vəfat edib 5 dekabr 1978 (49 yaşında)
Həyat yoldaşı Məmmədova Ruziyə Mustafa qızı
Övladları Məmmədov Natiq, Allahverdiyeva Zərnaz, Məmmədov Yusif və Məmmədova Elnarə
Atası Məmmədov Xəlil
Anası Məmmədova Humay
Təhsili M.İ.Kalinin adına Leninqrad Politexnik İnstitutu, avtomat və yarımavtomat maşınlar ixtisası (1949–1955)
Mükafatları Vladimir İliç Leninin anadan olmasının 100 illiyi ilə əlaqədar yubiley medalı — 1970

Abdurahman Məmmədov (1929–1978) — tekstil-trikotaj sahəsi üzrə tanınmış mühəndis-mexanik, V.İ.Lenin adına Şəki İpək İstehsalat Birliyinin 4 nömrəli filialının direktoru, Şəki şəhər Zəhmətkeş Deputatları Sovetinin deputatı.

Haqqında məlumatlar[Vizual/Mobil redaktə | HTML redaktə]

5 avqust 1929-cu il tarixdə Nuxada (indiki Şəki) daşqaçı ailəsində anadan olub.

Təhsili[Vizual/Mobil redaktə | HTML redaktə]

1947-ci ildə M.Qorki adına Nuxa şəhər 10 nömrəli orta məktəbini qızıl medalla bitirib.

1949 – 1955-ci illərdə M.İ.Kalinin adına Leninqrad Politexnik İnstitutunda avtomat və yarımavtomat maşınlar ixtisası üzrə təhsil alıb.

2 fevral – 30 mart 1970-ci il tarixləri arasında SSRİ Yüngül Sənaye Nazirliyinin Moskva Yüngül Sənaye İşçi və Mütəxəssislərinin İxtisasartırma İnstitutunda trikotaj istehsalatı direktorları qrupu üzrə ikiaylıq kurs keçib.

Əmək fəaliyyəti[Vizual/Mobil redaktə | HTML redaktə]

1955-ci ildən İvanovo toxuculuq fabrikində mühəndis,

1956-cı ildən V.İ.Lenin adına Nuxa İpək Kombinatında sex rəisi, həmçinin Nuxa İpəkçilik Texnikumunda müəllim vəzifəsində çalışıb.

1964-cü ildən ömrünün sonunadək Nuxa toxucu-trikotaj fabrikinin (1975-ci ildən V.İ.Lenin adına Şəki İpək İstehsalat Birliyinin 4 nömrəli filialı) direktoru olub.

İctimai-siyasi fəaliyyəti[Vizual/Mobil redaktə | HTML redaktə]

1967-ci ildə XI çağırış Nuxa Şəhər Zəhmətkeş Deputatları Sovetinə (15 nömrəli seçki dairəsi) deputat seçilib.

1976-cı ildə XVI çağırış Şəki şəhər zəhmətkeş deputatları Sovetinə (25 nömrəli seçki dairəsi) deputat seçilib.

Təltif və mükafatları[Vizual/Mobil redaktə | HTML redaktə]

Vəfatı[Vizual/Mobil redaktə | HTML redaktə]

1977-ci ilin fevral ayında Şəkiyə bərk qar yağmış və qarın ağırlığından ayın 24-də Şəki İpək İstehsalat Birliyinin 4 nömrəli filialının jakkard toxucu sexinin üst örtüyü gecə vaxtı çökmüşdür. Nəticədə gecə növbəsində işləyən fəhlələrdən ağır xəsarət alanlar olmuş və onlardan 4 nəfəri həlak olmuşdur. Həmin vaxt filialın direktoru vəzifəsində çalışan Abdurahman Məmmədov isə bu hadisədən sarsılaraq xəstələnmiş və cəmi il yarım sonra,

5 dekabr 1978-ci il tarixdə – 49 yaşında, Şəkidə vəfat etmişdir.

Bildiriş[HTML redaktə]