Natiq Şirinzadə
| Natiq Şirinzadə | |
|---|---|
| Şirinzadə Natiq Əhməd oğlu | |
| Natiq Şirinzadə (24.09.2018). | |
| Anadan olub | 17 iyun 1966 |
| Anadan olduğu yer |
Nuxa (indiki Şəki), |
| Həyat yoldaşı | İradə Şirinzadə |
| Övladları | Kamran və İmran |
| Atası | Şirinzadə Əhməd Məmməd oğlu |
| Anası | Şirinzadə Məsmə Əbdüləhəd qızı |
| Vətəndaşlıq |
|
| Təhsili |
• D.İ.Mendeleyev adına Moskva Kimya Texnologiya İnstitutu, silikatların kimyəvi texnologiyası fakültəsi (1983–1989) • Qərb Universiteti, beynəlxalq iqtisadi münasibətlər fakültəsi, xarici iqtisadi əlaqələrin təşkili və idarə edilməsi ixtisası (1994–1996) • AMEA M.Nağıyev adına Kimya Problemləri İnstitutu, quruluş kimyası və silikatların neft sənayesində tətbiqi ixtisası, doktorantura (2009–2013) |
Natiq Şirinzadə — Azərbaycan Respublikası Ekologiya və Təbii Sərvətlər Nazirliyinin tabeliyində fəaliyyət göstərən Dövlət Mineral Xammal Ehtiyatlarından İstifadə Agentliyinin İdarə Heyəti sədrinin müavini.
Haqqında məlumatlar[Vizual/Mobil redaktə | HTML redaktə]
17 iyun 1966-cı il tarixdə Nuxada (indiki Şəki) anadan olub.
Təhsili[Vizual/Mobil redaktə | HTML redaktə]
1973 – 1983-cu illərdə M.Qorki adına Şəki şəhər 10 nömrəli orta məktəbində,
1983 – 1989-cu illərdə D.İ.Mendeleyev adına Moskva Kimya Texnologiya İnstitutunun silikatların kimyəvi texnologiyası fakültəsində,
1994 – 1996-cı illərdə Qərb Universitetinin beynəlxalq iqtisadi münasibətlər fakültəsində,
2009 – 2013-cü illərdə AMEA M.Nağıyev adına Kimya Problemləri İnstitutunun doktoranturasında təhsil alıb.
Təlimlər[Vizual/Mobil redaktə | HTML redaktə]
1992-сı ildə Azərbaycan Respublikası Nazirlər Kabineti yanında Ali Menecerlər Məktəbinin dinləyicisi olub.
1999-cu ildə BMT-nin “Sənayenin inkişafı” təşkilatının və Yunanıstanın “Ticarətə yardım” təşkilatının təlimlərində,
2001-ci ildə Yaponiya Xarici İşlər Nazirliyinin təşkil etdiyi “Yeni müstəqil dövlətlərlə iş” proqramının üzrə təlimdə iştirak edib.
Əmək fəaliyyəti[Vizual/Mobil redaktə | HTML redaktə]
1990 – 1992-ci illərdə Bakı asbestsement və keramika məmulatları kombinatında mühəndis, aparıcı mühəndis,
1992 – 1996-cı illərdə “Loğman” SC-nin baş direktoru,
1997 – 1998-ci illərdə Azərbaycan Dövlət Əmlak Komitəsində məsləhətçi,
1998 – 1999-cu illərdə Bakı Şəhər İcra Hakimiyyətində iqtisadi məsələlər üzrə müavin,
1999 – 2000-ci illərdə Azərbaycan Respublikası Ticarət Nazirliyində şöbə müdiri,
2001 – 2002-ci illərdə “Binəqədi Tikinti Təchizat” ASC-nin idarə heyətinin sədri,
2003 – 2006-cı illərdə “Azinşaat holdinq” Şirkətlər qrupunun prezidenti,
2006 – 2014-cü illərdə “Daş Salahlı Bentonit” ASC və “AzRosPromİnvest” BM-nin direktorlar şurasının sədri, sonra isə Qlobal İqtisadi Problemlər İnstitutunun sədri,
2019 – 2020-ci illərdə Azərbaycan Respublikası Ekologiya və Təbii Sərvətlər Nazirliyi Milli Geoloji Kəşfiyyat Xidmətinin direktor müavini və idarə rəisi vəzifələrində çalışıb.
12 mart 2024-cü il tarixdən Azərbaycan Respublikası Ekologiya və Təbii Sərvətlər Nazirliyinin tabeliyində fəaliyyət göstərən Dövlət Mineral Xammal Ehtiyatlarından İstifadə Agentliyinin İdarə Heyəti sədrinin müavinidir.
Elmi-publisistik fəaliyyəti[Vizual/Mobil redaktə | HTML redaktə]
50-dən çox elmi-analitik məqalənin müəllifi, yaxud həmmüəllifidir.
Kitabları[Vizual/Mobil redaktə | HTML redaktə]
- Qiymətli kağızlar bazarına giriş (1997).
- Kiçik və orta biznes yeni mərhələdə (2004).
- İnşaat materiallarının fiziki-kimyəvi əsasları (həmmüəllif, 2006).
- Neft: Həqiqətlər və müəmmalar (Bakı: Çaşıoğlu, 2011).
- Dünya bu gün (Bakı: Geodeziya və kartoqrafiya, 2021).
- Azərbaycanda inşaat materiallarının perspektiv istiqamət əsasları (həmmüəllif, 2023).
- Ekologiyanın tarixinə qlobal baxış (ISBN: 978952479386; Bakı: Ocaq, 2024).
Ailəsi[Vizual/Mobil redaktə | HTML redaktə]
Ailəlidir, 2 övladı var.
Ədəbiyyat[Vizual/Mobil redaktə | HTML redaktə]
- Məmmədov Ə., Xalıqov F. Şirinzadə Natiq // Şəki: Alim və ziyalılar. — Bakı: Elm, 2007. — 2 cilddə. — II cild. — Səhifələrin sayı: 428. — Səh.: 371-373. — 600 nüsx. — ISBN 5-8066-1708-4.
- Rəhbərlik : İdarə Heyəti sədrinin müavini : [arx. 12 Aug 2022 - 23 Jun 2025] // Dövlət Mineral Xammal Ehtiyatlarından İstifadə Agentliyi. — Müraciət tarixi: 04.05.2026.
Bildiriş[HTML redaktə]
© 2019 – 2026 AZE.WIKI |
Bu məqalə Şəki Ensiklopediyasının çapa hazır məqaləsidir. |