Bu məqalə saytın yoxlanılmış məqalələrindən biridir və müəlliflik hüququ AZE.WIKI redaksiyasına məxsusdur!
Bu məqalə Şəki Ensiklopediyasının çapa hazır məqaləsidir.

Yusif Şükürlü

AZE.WIKI materialı
Naviqasiyaya keç Axtarışa keç
Yusif Şükürlü
Şükürlü Yusif Hacıbala oğlu
Yusif Şükürlü
Yusif Şükürlü, 2019-cu il.
Təvəllüdü 27 oktyabr 1948(1948-10-27)
Anadan olduğu yer Baş Şabalıd, Nuxa (indiki Şəki) rayonu, Azərbaycan SSR, SSRİ
Vəfat tarixi 28 aprel 2026 (77 yaşında)
Vəfat yeri Memorial Hospital, İstanbul, Türkiyə
Vətəndaşlığı SSRİ → Azərbaycan
Elm sahəsi fizika-riyaziyyat
İş yeri AMEA Şəki Regional Elmi Mərkəzinin direktoru
Elmi dərəcəsi fizika-riyaziyyat elmləri namizədi
Elmi adı dosent
Təhsili

 • Azərbaycan Dövlət Universiteti, fizika fakültəsi (1966–1971)

 • Azərbaycan SSR EA-nın Fizika İnstitutu, aspirantura (1975–)

 • 1995-ci ildən Azərbaycan EA Radiasiya Tədqiqatları Sektoru, doktorantura (1995–)
Mükafatları "Tərəqqi" medalı — 2025
facebook səhifəsi

Yusif Şükürlü (1948–2026) — fizika-riyaziyyat elmləri namizədi, Azərbaycan Dövlət Pedaqoji Universitetinin Şəki filialının dosenti, AMEA Şəki Regional Elmi Mərkəzinin direktoru.

Haqqında məlumatlar[Vizual/Mobil redaktə | HTML redaktə]

27 oktyabr 1948-ci il tarixdə Nuxa (indiki Şəki) rayonunun Baş Şabalıd kəndində anadan olub.

Təhsili[Vizual/Mobil redaktə | HTML redaktə]

1966 – 1971-cı illərdə Azərbaycan Dövlət Universitetinin fizika fakültəsində təhsil alıb.

1975-ci ildə istehsalatdan ayrılmamaq şərti ilə Azərbaycan SSR EA-nın Fizika İnstitutunun aspiranturasına daxil olub.

1995-ci ildən Azərbaycan EA Radiasiya Tədqiqatları Sektorunun doktorantı olub.

Əmək fəaliyyəti[Vizual/Mobil redaktə | HTML redaktə]

1971 – 1974-cü illərdə Qəbələ rayonunun Tola kənd səkkiz illik məktəbində və Qəbələ Qiyabi Orta məktəbində fizika, riyaziyyat və kimya fənlərindən dərs deyib. O cümlədən, 1973 – 1974-cü illərdə Tola kənd səkkizillik məktəbində tədris işləri üzrə direktor müavini olub.

1974-cü ildə Şəki şəhərindəki 43 saylı Texniki Peşə məktəbində fizika müəllimi vəzifəsində işləyib.

1975 – 1976-cı illərdə Azərbaycan SSR EA Fizika İnstitutunun nəzdində olan Səki Elmi bazasında əvvəl laborant, sonra isə kiçik elmi işçi vəzifəsini tutub.

1977 – 1990-cı illərdə Azərbaycan EA-nın Radiasiya Problemləri İnstitutunda əvvəl kiçik elmi işçi, sonra isə (1987-ci ildən) baş elmi işçi vəzifəsində çalışıb.

1990 – 2008-ci illərdə Şəki Regional Elmi Bazasında biofizika laboratoriyasına rəhbərlik edib.

1992 – 1996-cı illərdə Bakı Dövlət Universitetinin Şəki filialında əvvəl baş müəllim, sonra isə (1996-cı ildən) əvəzçi dosent vəzifəsində çalışıb.

2002 – 2008-ci illərdə Azərbaycan Müəllimlər İnstitutunun Şəki filialının təbiət elmləri və tədrisin metodikası kafedrasının əvəzçi dosenti vəzifəsində işləyib.

2008-ci ildən Azərbaycan Dövlət Pedaqoji İnstitutunun Şəki filialının təbiət elmləri və onların tədrisi metodikası kafedrasının dosentidir, o cümlədən, 2014-cü il tarixədək həmin kafedranın müdiri vəzifəsində çalışıb.

2014-cü ildən ömrünün sonunadək AMEA Şəki Regional Elmi Mərkəzinin direktoru olub.

Elmi fəaliyyəti[Vizual/Mobil redaktə | HTML redaktə]

1984-cü ildə namizədlik dissertasiyasını müdafiə edib.

2008-ci ildə isə dosent elmi adını alıb.

Ədəbi fəaliyyəti[Vizual/Mobil redaktə | HTML redaktə]

2004-cü ildə 14,5 çap vərəqi həcmində olan şeirlər, hekayələr və povestlərdən ibarət “Çəhrayı gödəkcə” adlı kitabı çap edilib. “Yetti” adlı elmı-fantastik romanın müəllifidir. 2007-ci ildən Azərbaycan Yazıçılar Birliyinin üzvü idi.

Təltif və mükafatları[Vizual/Mobil redaktə | HTML redaktə]

Vəfatı[Vizual/Mobil redaktə | HTML redaktə]

28 aprel 2026-cı il tarixdə — 77 yaşında, müalicə aldığı İstanbul Memorial Hospitalında (Türkiyə) vəfat edib.

29 aprel 2026-cı il tarixdə Baş Şabalıd kənd qəbiristanlığında dəfn olunub.

Ədəbiyyat[Vizual/Mobil redaktə | HTML redaktə]

  1. Şəki REM-in fəlsəfə doktorları/Şükürlü Yusif Hacıbala oğlu. http://www.science.gov.az/. science.gov.az. Arxivləşdirilib (10 Jan 2017 - 19 Jan 2020).
  2. Məmmədov Ə., Xalıqov F. Şükürlü Yusif // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 530-431. — 1.000 nüsx.

Bildiriş[HTML redaktə]