Bu məqalə saytın yoxlanılmış məqalələrindən biridir və müəlliflik hüququ AZE.WIKI redaksiyasına məxsusdur!
Bu məqalə Şəki Ensiklopediyasının çapa hazır məqaləsidir.

Elçin Abbasov

AZE.WIKI materialı
Naviqasiyaya keç Axtarışa keç
Elçin Abbasov
Abbasov Elçin Qüdrət oğlu
Elçin Abbasov
Elçin Abbasov.
Anadan olub 10 oktyabr 1963 (1963-10-10) (63 yaş)
Anadan olduğu yer Nuxa (indiki Şəki), Azərbaycan SSR, SSRİ
Həyat yoldaşı Abbasova Nəzakət Mikayıl qızı
Övladları Qüdrət və Elmar
Atası Abbasov Qüdrət Rızaqulu oğlu
Anası Məmmədova Rəna Məmmədsani qızı
Vətəndaşlıq SSRİ → Azərbaycan
Təhsili Çingiz İldırım adına Azərbaycan Politexnik İnstitutu, maşınqayırma fakültəsi, maşınqayırma texnologiyası ixtisası (1980–1985)

Elçin Abbasov — avtomobil elektronikası və elektromobil diaqnostikası üzrə tanınmış mütəxəssis və elmi maarifçi, İnteraktiv Elm Muzeyinin və “AutoProject” avtoservis mərkəzinin yaradıcısı və rəhbəri.

Haqqında məlumatlar[Vizual/Mobil redaktə | HTML redaktə]

10 oktyabr 1963-cü il tarixdə Nuxada (indiki Şəki) anadan olub.

Təhsili[Vizual/Mobil redaktə | HTML redaktə]

1970 – 1971-ci illərdə Bakı şəhər 190 nömrəli orta məktəbində,

1971 – 1980-cı illərdə Şəki şəhər M.Qorki adına 10 nömrəli orta məktəbində,

1980 – 1985-cı illərdə Çingiz İldırım adına Azərbaycan Politexnik İnstitutunun maşınqayırma fakültəsində təhsil alıb.

Əmək fəaliyyəti[Vizual/Mobil redaktə | HTML redaktə]

1985 – 1990-cı illərdə “Azərelektroterm” istehsalat birliyində mühəndis-layihəçi,

1990 – 1998-ci illərdə müxtəlif avtomobil servisi müəssisələrində mütəxəssis,

1998 – 2022-ci illərdə “Chevrolet” markasının Azərbaycandakı rəsmi nümayəndəliyi olan “Performance Center”də elektrik şöbəsinin rəhbəri vəzifəsində çalışıb.

2023-cü ildən Azərbaycanda ilk elektromobil və hibrid avtomobillərə texniki xidmət mərkəzi olan “AutoProject”in (Bakı) qurucusu və rəhbəridir.

Elmi fəaliyyəti[Vizual/Mobil redaktə | HTML redaktə]

1998-ci ildə Bakıda öz evinin zirzəmisində interaktiv elm muzeyi yaradıb (bu muzey 2018-ci ildən “Hədəf” liseyinin binasında (Bakı, Mikayıl Müşfiq küç. 2E) fəaliyyət göstərir və “Elçin Abbasovun İnteraktiv Elm Muzeyi” adı ilə tanınır; 2019-cu ilin sentyabrında Azərbaycan Dövlət Pedaqoji Universitetində (Ü.Hacıbəyli küç. 68) muzeyin ikinci filialı açılıb).

2013-cü ildə Azərbaycanda hazırlanan ilk dronlardan birini yaradıb, həmçinin helikopter modeli hazırlayıb.

2015-ci il noyabrın 29-da Qafqaz Universitetində keçirilən "TEDxQafqazUniversity" konfransında ixtiraçı kimi çıxış edib.

Elmin təbliği üzrə sosial şəbəkələrdə (Instagram, Facebook, TikTok, YouTube — @elmmuzeyi) müntəzəm material hazırlayır, o cümlədən “Günün eksponatı” silsiləsini aparır. Nəvəsi Banu ilə birlikdə uşaqlar üçün elmi təcrübə videoları çəkir.

Azərbaycan dilində fizika tədrisi üçün mobil vasitələr üzərində işləyir: phyphox fizika tətbiqinin Azərbaycan dilinə tərcüməsini və “Elm Laboratoriyası” adlı öz sensor tətbiqini hazırlayır. “Badamdar” – gənclərin texniki yaradıcılıq klubunun yaradıcısı və rəhbəridir. Bakı Ali Neft Məktəbində keçirilən texniki yaradıcılıq sərgisinin təşkilində iştirak edib. 2018-ci ildən “Hədəf” liseyində muzeyin nəzdindəki elmi klubun da rəhbəridir.

Ailəsi[Vizual/Mobil redaktə | HTML redaktə]

Evlidir, iki övladı var.

Ədəbiyyat[Vizual/Mobil redaktə | HTML redaktə]

  1. Azərbaycanda İnteraktiv Elm Muzeyi qurulub : [arx. 29.03.2018] // AZƏRTAC. — 2018. — 28 mart. — Müraciət tarixi: 05.11.2026.

Bildiriş[HTML redaktə]